Max Bossen – Wikipedia
Zum Inhalt springen
Faan Wikipedia
Di Bidrach "Max Bossen" staant
eksklusiif
ön di Nuurđfriisk Wikipedia!
Söl'ring
Max Bossen
, ombi 1950.
Skelt: Herbert Christoph, sin Jungensdreeng
Max Andreas Bossen
, * 5.
Marts
(Uursmuun)
1888
ön
Weesterlön
† 3.
Nowember
(Töökmuun)
1958
ön
Muasem
wiar en Söl'ring Snetker en
Dechter
Ön sin leest tiin Leewentsjaaren skreev hi masi Leedjis, Fērsi en Komeediisteken üp Söl'ring.
Me di Skuulmaister Karl Kruse waar fan Bossen sin Leedjis uk Nooten fuar di Muasemböör Kööri seet.
Tö dit Skelt sair Herbert Christoph (*1944):
"Ik ken't jit teenk. Sa wiar hi langsen ön Sendai önerwai. Ik saag jest di wit Möts, da en lüng Mensk, en da wiar dit min Gooki."
En Dechting
Bewerke
Kweltekst bewerke
Let Di des Dechting fuarlees en lees me langs!
Jööl-Leechter
Jööl-Leechter skiin sa leecht en klaar,
di helig Nacht es diar,
di jemelkst Fest ön't hiili Jaar,
döör Engler kām üüs Böör.
Di Jungens Oogen ljucht sa klaar
ön Jöölbooms Leechterskiin.
Sa es dit wesen maning Jaar,
dach langsen weđer nii.
Fünen bi
Hark Martinen
, "Dachtangs"
Fränkische Weinstuben
Bewerke
Kweltekst bewerke
Max Bossen sin Wüf jeet Emma Emilie (1892 - 1940), en jat uunet iin ön dit Hüs, hur deling di "Fränkische Weinstuben" sen.
Jat her tau Jungen. Di Dreeng Herbert Peter Max Bossen bleef me 24 Jaaren ön di
Krich
(1915 - 1939), en diar kām di Mooter ek aurhen. Dit Faamen Inge Maren Emma (1922 - 2000) waar ön di 40er Jaaren me Theo Christoph, en Soldāt fan Franken (1920 - 1992) bifriit. Bit 1967 waar ön di Hofstair fuaral Buererii bidrewen, man da maaket jat dit Restaurant iipen. Ja fing en Dreeng, Herbert, diar dit Lokaal bit deling ön Gang heer. Lungsom uur dit fan di naist Generatsjoon aurnomen. Herbert en Edeltraut Christoph haa en Faamen, diar me en Kok bifriit es. Herberts Sester Rosana (*1950) aarbert uk bit deling me. - Aur'ner'm ken em höm diar gur henseet fuar Kofi en Kuk.
Tö dit Jen fan 2017 waar dit Hüs forkoopet en dit Lokaal techtmaaket, aurdat olterfuul Modernisieraingen nöörig uuren wiar.
Luki uk jir
Bewerke
Kweltekst bewerke
Wikisource: Nem't Di rocht fuar
Wikisource: Wat töögen Fortröt
Ön't Wiki
Bewerke
Kweltekst bewerke
Töhopsteling fan hok Dechtings
Ön't Nat
Bewerke
Kweltekst bewerke
Nuurđfriisk Lexikon aur Max Bossen
Faan „
Kategoriin
Sölring Artiikel
Biografii Söl'ring
Söl'
Söl'ring Spraak
Ferbürgen kategorii:
NF wiki sölring
Max Bossen
Nei kirew began