Olympische Zomerspeule 2016 - Wikipedia

Hoofartikel: Atletiek op de Olympische Zomerspeule 2016

De atletiekoonderdeile weure veur zoewied meugelek in 't Estádio Olímpico João Havelange aofgewèrk. De marathon kump aon in 't Sambódromo Marquês de Sapucaí, de snelwandeloonderdeile op de Pontal. 't Compleet program umvat 47 oonderdeile: 24 veur de manslui, 23 veur de vrouwlui. De oonderdeile (tenzij expliciet gezag allemaol veur bei geslachte) zien 100, 200, 400, 800, 1.500, 5.000 en 10.000 meter loupe, 110 (manslui) daan wel 100 (vrouwlui) meter hordes, 400 meter horde, 3.000 meter hindernisloup, 4×100 en 4×400 meter estafèt, de marathon, 20 en 50 km snelwandele (lèste allein veur manslui), wiedspringe, hink-stap-sprunk, hoegspringe, polsstekhoegspringe, kogelstoete, discuswerpe, speerwerpe, kogelslingere en tienkamp (manslui) daan wel zevekamp (vrouwlui).

In 't Riocentro vinde de badmintonmatches plaots. 't Gief vief toernoje: hiere-inkelspeul, damesinkelspeul, hieredobbelspeul, damesdobbelspeul en gemingk dobbelspeul. Veuraof waore in alle disciplines de Chineze favoriet.

Hiere inkel

Vaan 11 tot en mèt 14 augustus woorte series gespäöld. De achste finales volgde op 15 augustus, de kwartfinales op 17 augustus, de haaf finales waore op 19 augustus en de finaal en klein finaal zien op 20 augustus.

Dames inkel

De dames späölde hun series ouch vaan 11 tot en mèt 14 augustus, daonao de volgende rundes op 15, 16, 18 en 19 augustus. Verrassend waor tot alle Chineze, jeh alle Oos-Aziaote, veur de finaal aofvele. Zoewel de Spaonse Carolina Marín es de Indiase P.V. Sindhu maakde hun debuut op de Speule.

Hiere dobbel

De series waore op 11, 12 en 13 augustus, de kwartfinales op 15, de haaf finales op 16, de klein finaal op 18 en de groete finaal op 19 augustus. De Chineze en aander Oos-Aziaote maakde hun favorieterolle hei wel woer.

Dames dobbel

Gespäöld op dezelfde daog wie de hiere dobbel, mèt oetzundering vaan de (groete) finaal, dee op 18 augustus waor.

Gemingk dobbel

Series waore op 11, 12 en 13 augustus, kwartfinales op 14 augustus, haaf finales op de 15e, de klein finaal op de 16e en de groete op 17 augustus. Op dit oonderdeil heersde de Aziaote: op ei Pools duo nao stoonte zelfs gein aander koppels in de kwartfinales.

't Baogsjete gebäörde in 't Sambodroom (zuug bove). 't Gaof veer competities: twie veur bei geslachte, boevaan eder ein individueel en ein veur teams. Wie vaan teveure verwach waore de Zuid-Koreaone hier en meister.

Hiereteamcompetitie

6 augustus

Damesteamcompetitie

7 augustus

Dames individueel

11 augustus

Hiere individueel

12 augustus

Bij 't basketbal späölde zoewel de manslui es de vrouwlui 12 teams in toernoojverband. Iers späölde ze in twie poules vaan zès, boevaan de bèste veer doorgónge nao de kwartfinaal. Via de haaf finaal en de finaal woorte de winners oetgemaak. De verleerders vaan de haaf finales späölde nog um 't broons. De hal boe 't baskette weurt gedoon hèt Carioca Arena 1. De klein en groete finales bij de vrouwlui waore op 20 augustus, die vaan de manslui op 21 augustus.

Manslui

Vrouwlui

De manslui bókse in ach gewiechsklasse, de vrouwlui in drei. De wèdstrije zien binne, in 't Riocentro. 't Bókstoernooj doort de ganse Speule, vaan 6 tot 21 augustus, meh de finales begóste pas op de 14e mèt 't manneliechvleeggewiech.

In tegestèlling tot de Speule vaan 2012 weurt bij de manslui noe weer zoonder helm gebóks.

't Fietse is verdeild in veer disciplines, die um begriepeleke reies op versjèllende plaotse woorte gehawwe.

Veur 't baonfietse heet me 't Olympisch velodroom gebouwd. 't Aontal oonderdeile waor mèt tien nog vrij groet: 't gaof competities in de keirin, omnium, plogeachtervolging, sprint en plogesprint, allemaol veur zoewel manslui es vrouwlui. Favoriet waore vaan te veure veural renners oet Ingelstaolege len; de Brit Mark Cavendish sloog 't weegfietse (boe heer bekinder vaan is) mer gans euver.

Keirin manslui

16 augustus

Keirin vrouwlui

13 augustus

Sprint individueel manslui

Verrijd op 12, 13 en 14 augustus.

Sprint individueel vrouwlui

Verrijd op 14, 15 en 16 augustus.

Omnium manslui

Verrijd op 14 en 15 augustus. D'n oetslaag op dit oonderdeil waor controversieel umtot Cavendish 't zèlver aon 'n aofsjijende beweging te daanke had. Väöl lui meinde tot heer gediskwalificeerd had mote weure.

Omnium vrouwlui

Op 15 en 16 augustus.

Plogesprint manslui

Op 11 augustus.

Pos.	Land
1.	Vereineg Keuninkriek
2.	Nui-Zieland
3.	Fraankriek

Plogesprint vrouwlui

Op 12 augustus.

Pos.	Land
1.	China
2.	Rusland
3.	Duitsland

Plogeachtervolging manslui

Op 11 en 12 augustus.

Pos.	Land
1.	Vereineg Keuninkriek
2.	Australië
3.	Denemarke

Plogeachtervolg vrouwlui

Op 11 en 13 augustus.

Pos.	Land
1.	Vereineg Keuninkriek
2.	Vereinegde Staote
3.	Canada

In 't bmx'e veel twie kier 'n medaaje te pakke, eine kier veur allebei de geslachte. De bmx-baon ligk in 't Olympisch park vaan Deodoro.

Manslui

De kwalificatie is op 17 augustus, de kwartfinales op 18 augustus, de haaf finales en finaal op 19 augustus.

Vrouwlui

De kwalificatie is op 17 augustus, de haaf finales en finaal op 19 augustus. Laura Smulders, 'n Nederlandse favoriete, veel in de finaal en misden 't podium.

't Mountainbike umvatde twie veldritte, eine veur de manslui en eine veur de vrouwlui. Ze starte en indege in 't mountainbikecentrum in Deodoro.

Manslui

21 augustus

Vrouwlui

20 augustus

't Fietsrenne op de weeg kós veer disciplines. De manslui fietsde in 'ne kamp vaan 242 kilometer um de medaajes, de vrouwlui dege dat in 141 kilometer. De finish waor op Fort Copacabana. De individueel tiedritte veur de manslui en de vrouwlui hadde hunne start en finish in de Pontal, in Recreio dos Badeirantes. Via de weegwèdstrijd kós me ziech veur d'n tiedrit plaotse.

Weegwèdstrijd manslui

Op 6 augustus; ein vaan de ierste eveneminte op de Speule. De gouwe medaaje veur Van Avermaet beteikende direk al 'n verbetering vaan de Belzje prestaties in Londe, wie allein zèlvere en broonze medaajes woorte gepak.

Weegwèdstrijd vrouwlui

Gehawwe op 7 augustus. De wèdstrijd bij de vrouwlui woort oontseerd door 'ne zwoere val vaan Annemiek van Vleuten, vaan te veure favoriet en kort veur 't ind op koers veur de wins.

Tiedrit manslui

Op 10 augustus gehawwe. Veur aon d'n tiedrit mèt te doen mós me in de weegkoers zien gestart (oetfietse waor neet nudeg). Fabian Cancellera, dee nao de Speule zouw stoppe, wón mèt groete euvermach. Mestreechteneer Tom Dumoulin, 'nen aandere favoriet, haolde zèlver. D'n aofstand bedroog 54,4 km.

Tiedrit vrouwlui

Ouch d'n tiedrit veur de vrouwlui waor op 10 augustus. D'n aofstand waor hei 29,8 km.

Dit woort in 't Riocentro gedoon. Manslui luffe in ach gewiechsklasse, vrouwlui in zeve, zoetot 't vieftien medaaje-eveneminte gaof. Bij 't gewiechluffe höbbe de klasse gein speciaol naome. Alle oonderdeile woorte op einen daag aofgewèrk; de mieste waore verdeild in 'n kwalificatie en 'n finaal.

Golf steit veur 't iers sinds 1904 weer op 't Olympisch program. 't IOC waor vaan meining tot de sport genóg geïnternationaliseerd waor um 'm weer op te numme. De twie toernoje - eint veur manslui, eint veur vrouwlui, allebei individueel - weure gespäöld op de Olympisch golfbaon in Barra. Um de locatie vaan dees golfbaon waor nogal get te doen, umtot ze in e natuurgebeed woort aongelag.^[1]

Par veur de ganse baon is 71; me späölde in veer rundes, zoetot 't totaol aontal sleeg veur par oetkump op 284.

Manslui

't Toernooi veur de manslui woort gespäöld vaan 11 tot en mèt 14 augustus. D'n oetindeleke winner Justin Rose verbaosde geliek op d'n iersten daag al door 'nen hole-in-one, d'n ierste oets op de Speule.

Vrouwlui

't Vrouwetoernooj leep vaan 17 tot en mèt 20 augustus.

De gymnastiek is verdeild euver drei disciplines en in totaol 18 oonderdeile. Allemaol weure ze gedoon in de HSBC-arena.

Hei zien veertien oonderdeile, hendeg asymmetrisch euver de twie geslachte verdeild. Alleriers gief 't allroundtoernoje veur individueel turners en teams, zoewel manslui es vrouwlui. Losse oonderdeile zien de bok (bei geslachte), de groond (bei geslachte), 't peerd (allein manslui), de ring (allein manslui), de brögk geliek (allein manslui), de rèkstek (allein manslui), de brögk oongeliek (allein vrouwlui) en d'n evewiechsbalk (allein vrouwlui).

De kwalificaties veur alle manne-oonderdeile waore op 6 augustus, die veur alle vrouwe-oonderdeile einen daag later.

Manslui bok

15 augustus

Vrouwlui bok

14 augustus

Manslui vloer

14 augustus

Vrouwlui vloer

16 augustus

Manslui peerd

14 augustus

Manslui brögk geliek

16 augustus

Vrouwlui brögk oongeliek

14 augustus

Manslui ring

Gedoon op 15 augustus. De Nederlandse turner Yuri van Gelder waor heiveur geplaots, meh woort um wangedraag door zien eige NOC gesjors.

Manslui rèkstek

Gedoon op 16 augustus. D'n titelverdeideger, de Nederlander Epke Zonderland, pakde mis en veel.

Vrouwlui balk

Gedoon op 15 augustus. Biles góng hei veur nog 'n gouwe medaaje, meh greep in de finaal mis.

Manslui individueel allround

10 augustus

Vrouwlui individueel allround

11 augustus

Manslui team

8 augustus

Pos.	Land	Score
1.	Japan	274,094
2.	Rusland	271,453
3.	China	271,122

Vrouwlui team

9 augustus

Pos.	Land	Score
1.	Vereinegde Staote	185,238
2.	Rusland	175,279
3.	China	174,620

Nao aofloup vaan 't turntoernooj, op 17 augustus, hele de turners nog e showgala.

Dit weurt op de speule allein door vrouwlui gedoon. 't Gief medaajes te hole in grópsverband en individueel.

Individueel allround

Gehawwe op 19 (kwalificatie) en 20 augustus (finaal). Gymnaste móste veer oonderdeile aofwèrke: reip, bel, klöppele en lint.

Landeteams

Gehawwe op 20 (kwalificatie) en 21 augustus (finaal). 't Gaof twie oonderdeile: eint mèt linte en eint mèt klöppele en reipe. Spaanje en Bulgarije hadde e geliek aontal punte, meh Spaanje had in de twie oonderdeile minder oongelieke scores behaold en woort daorum tot winner oetgerope.

Pos.	Land	Score
1.	Rusland	36,233
2.	Spaanje	35,766
3.	Bulgarije	35,766

Handbal speule ze in de Arena do Futuro in Barra. Zoewel aon 't hiere- es aon 't vrouwetoernooj doen twelf landeteams mèt. Die speule iers in twie poules vaan zès, boevaan ummer de bèste veer doorgoon nao de knock-outfaas, te beginne mèt 'n kwartfinaal. De verleerders vaan de haaf finales handballe nog um de broonze medaaje.

Manslui

De grópsmatches waore 7, 9, 11, 13 en 15 augustus. Kwartfinales volgde op 17 augustus, haaf finales op de 19e en de finales (klein en groet) waore op 21 augustus.

Vrouwlui

De vrouwlui höbbe alle matches einen daag ieder es de manslui.

Zoewel de manslui es de vrouwlui koume mèt twelf landeteams nao Rio. Dao weurt in 't Olympisch hockeycentrum in Deodoro iers in poules vaan zès gespäöld. De bèste veer vaan eder poule goon door nao de kwartfinaal, die volges 't gebrukelek knock-outsysteem nao de finale veurt. De verleerders vaan de haaf finales speule nog om 't broons.

Manslui

De grópsmatches waore vaan 6 t/m 12 augustus. De kwartfinales volgde op 14 augustus, de haaf finales op de 16e en de finaal en troesfinaal op 18 augustus. 't Belsj team veel al in de grópsfaas op door zien bezunder prestaties en haolde oetindelek zèlver.

Vrouwlui

De grópsmatches waore op 6, 7, 8, 10, 11, 12 en 13 augustus. In de knock-outfaas waor bij de vrouwlui alles einen daag later es bij de manslui.

Veur 't judo is de Carioca Arena 2 in Barra gebouwd. Zoewel bij de manslui es bij de vrouwlui gief 't zeve gewiechsklasse, zoetot me in totaol aon 14 eveneminte kump.

Manslui extraliechgewiech

6 augustus

Vrouwe extraliechgewiech

6 augustus

Manslui haafliechgewiech

7 augustus

Vrouwlui haafliechgewiech

7 augustus

Manslui liechgewiech

8 augustus

Vrouwlui liechgewiech

8 augustus

Manslui haafmiddegewiech

9 augustus

Vrouwlui haafmiddegewiech

9 augustus

Manslui middegewiech

10 augustus

Vrouwlui middegewiech

10 augustus

Manslui haafzwoergewiech

11 augustus

Vrouwlui haafzwoergewiech

11 augustus

Manslui zwoergewiech

12 augustus

Vrouwlui zwoergewiech

12 augustus

't Kanovare is officieel in twie disciplines opgedeild.

De moderne viefkamp besteit oet twie competities, ein veur manslui en ein veur vrouwlui, allebei individueel. De versjèllende oonderdeile weure aofgewèrk in Deodoro. Heidoor vinde 't zwumme en 't sjerme neet in dezelfde stadions plaots boe die sporte zelf weure gehawwe. De moderne viefkamp voont plaots op 19 en 20 augustus.

Manslui

Vrouwlui

Wie dat sinds jaor en daag op de Speule 't geval is, ressortere oonder de peerdesport drei disciplines: dressuur, springe en eventing (in Nederland ouch bekind es SGW en vreuger military geneump). Ze weure allemaol aofgewèrk in 't Nationaol Peerdesportcentrum in Deodoro. Wie gebrukelek bij de peerdesport weurt neet in apaarte manne- en vrouwecompetities aongetrejd.

't Roeje woort in de Lagoa Das Freitas gedoon (wie de kano-sprintwèdstrije). De manslui höbbe mie oonderdeile es de vrouwlui (ach um zès). De oonderdeile zien skiff (inkel), twie zoonder stuurmaan, dobbeltwie, liechgewiech dobbeltwie, veer zoonder stuurmaan, dobbelveer, liechgewiech veer zoonder stuurmaan en ach mèt stuurmaan. De veer stuurmaan, gewoen en liechgewiech woorte allein door de manslui geroejd. Diverse competities woorte oetgestèld um d'n te helle wind.

Skiff manslui

De series waore op 6 augustus, de herkansinge op de 7e, de kwartfinales op de 9e, de haaf finales op d'n 11e en de finales op 13 augustus.

Skiff vrouwlui

Bij de vrouwlui waore de data exak dezelfde wie bij de manslui.

Twie zoonder stuurmaan manslui

De competitie waor op 6 (series), 7 (herkansinge), 9 (haaf finales) en 11 (finales) augustus.

Twie zoonder stuurmaan vrouwlui

De series waore op 7 augustus, de herkansinge op d'n 8e, de haaf finales op d'n 10e en de finales op d'n 12e.

Dobbeltwie manslui

Geroejd op dezelfde daog wie de twie zoonder stuurmaan.

Dobbeltwie vrouwlui

Geroejd op dezelfden daag wie de dobbeltwie (en twie zoonder stuurmaan) vaan de manslui.

Liechte dobbeltwie manslui

Gedoon op 7 (series), 8 (herkansinge), 10 (haaf finales) en 12 (finales) augustus.

Liechte dobbeltwie vrouwlui

Gedoon op dezelfde daog wie de liechte dobbeltwie manslui.

Veer zoonder stuurmaan manslui

Op dezelfde daog geroejd wie de twie bovestoonde oonderdeile.

Dobbelveer manslui

Series op 6 augustus, herkansinge op 8 augustus, finales op 10 augustus. Gein deilfinales.

Dobbelveer vrouwlui

Gevare op dezelfde daog wie de dobbelveer bij de manslui.

Liechte veer zoonder stuurmaan manslui

Weer op 6, 7, 9 en 11 augustus, mèt respectievelek series, herkansinge, haaf finales en finales.

Ach manslui

Gedoon op 8 (series), 10 (herkansinge) en 13 (finales) augustus.

Ach vrouwlui

Op dezelfde daog gehawwe wie de ach manslui.

Rugby woort in 1924 veur 't lèste gedoon op de Speule; 't kaom noe trök in de aofgeslankde vörm rugby sevens, boebij teams mèt zeve in plaots vaan vieftien speule, en 'ne match mer twie kier zeve menute doort. Daorum kóste teams ouch gemekelek drei matche op einen daag aofwèrke. Bij zoewel de manslui es de vrouwlui höbbe ziech twelf len gekwalificeerd; die make in drei poules vaan veer oet wee nao de kwartfinaal geit (de bèste twie vaan eder poule en de twie bèste nommers drei). De verleerders vaan de haaf finales späölde nog um de broonze medaaje. Rugby weurt gespäöld in 't Deodoro-stadion.

Manslui

't Mannetoernooj leep vaan 9 tot en mèt 11 augustus. 't Gaof drei poules vaan eder veer teams. De bèste twie oet eder poule plus de twie bèste nommers drei gónge door nao de knockoutfaas op 10 en 11 augustus. Die verleep volgens e conventioneel sjema mèt kwartfinales, haaf finales, finaal en verleerdersfinaal, meh kós ouch nog klein knock-outfases: de in de grópsfaas oetgesjakelde teams späölde um de 9e tot 12e plaots en de teams die in de kwartfinales oetgesjakeld woorte móste nog um de 5e tot 8e plaots speule.

Vrouwlui

't Vrouwetoernooj woort gespäöld vaan 6 tot en mèt 8 augustus. Ouch hei waore de poulewèdstrije op 6 augustus en ouch hei dege twelf landeteams in drei poules mèt.

Veur 't sjerme is de Carioca Arena 3 in Barra opgezat. De manslui en de vrouwlui kampde in eder vief oonderdeile, meh neet gans dezelfde: manslui dege d'n dege individueel en team, 't florèt individueel en team en de sabel individueel; dewijl de vrouwlui de sabel ouch in teamverband dege en 't florèt allein individueel. Eder oonderdeil woort op einen daag aofgewèrk.

De sjeetsport besteit oet oonderdeile mèt 't geweer, oonderdeile mèt 't pistool en kleidoevesjete. Bij eder vaan die drei gaof 't drei oonderdeile veur manslui en twie veur vrouwlui. 't Nationaol Sjeetcentrum boe de competities woorte gehawwe steit in Deodoro. De mieste oonderdeile woorte op einen daag gedoon.

Umtot finales woorte aofgewèrk volgens 't eliminatieprinciep, höbbe de broonzemedaajewinners (die dus neet aon de lèste runde mètdege) wezelek lieger scores. Door hervörminge in 't sjeettoernooj woorte diverse oonderdeile noe wezelek aanders opgezat es veurheer; dit verklaort de väöl Olympische records.

Taekwondo vint plaots in de Carioca Arena 3 in Barra. Zoewel de manslui es de vrouwlui kampe in veer gewiechsklasse, zoetot 't ach eveneminte gief. Drei Belzje dege mèt aon 't toernooj; hun prestaties vele tege.^[2]

Manslui vleeggewiech

17 augustus

Vrouwlui vleeggewiech

17 augustus

Manslui veergewiech

18 augustus

Vrouwlui veergewiech

18 augustus

Manslui weltergewiech

19 augustus

Vrouwlui weltergewiech

19 augustus

Manslui zwoergewiech

20 augustus

Vrouwlui zwoergewiech

20 augustus

't Taofeltennis woort gespäöld in 't Riocentro. 't Gaof veer competities: inkel- en dobbelspeul, veur manslui en vrouwlui. Wie verwach domineerde de Chineze 't toernooj: China pakde alle veer de gouwe medaajes.

Manslui inkel

De veurrundes waore op 6, 7 en 8 augustus, de kwartfinales op 9 augustus, de haaf finales en finaal op 11 augustus.

Vrouwlui inkel

De veurrundes en kwartfinales waore op dezelfde daog wie bij de manslui, de finaal waor einen daag ieder.

Manslui team

De veurrundes waore op 12 en 13 augustus, de kwartfinales op 14 augustus, de haaf finales op de 15e en de finaal op 17 augustus.

Vrouwlui team

Gespäöld op 12 (veurrundes), 13 (kwartfinales), 14 (haaf finales) en 15 augustus (finaal).

Veur de tennissport is 't Olympisch tenniscentrum in Barra da Tijuca neergezat. Hei-in woorte vief toernoje gedoon: manne-inkel en -dobbel, vrouwe-inkel en -dobbel en gemingk dobbel. Väöl favoriete maakde hun verwachtinge woer; aandere woorte evels oonverwach oonderweeg oetgesjakeld. Alle eveneminte die veur 10 augustus stoonte gepland, woorte oetgestèld um de rege.

Hiere-inkelspeul

Hei-aon dege 64 tennissers mèt. De 32e-finales woorte op 6 en 7 augustus gedoon, de zestiende finales op 8 en 9 augustus, de achste finales op 11 augustus, de kwartfinales op 12 augustus, de haaf finales op 13 augustus, de finaal en troesfinaal op 14 augustus.

Damesinkelspeul

Dit woort gespäöld vaan 6 tot en mèt 13 augustus. Ouch heiveur waore 64 tennissters geplaots. De zestiende finales doorde mer einen daag, zoetot alle wijer toernoojfases einen daag ieder waorees die vaan de manslui. De oonverwachde wins vaan Puig beteikende zeldzaom goud veur Puerto Rico.

Hieredobbelspeul

Heiveur waore 32 combinaties geplaots. De zestiende finales woorte op 6 en 7 augustus gespäöld, de achste finales op 8 augustus, de kwartfinales op 9 augustus, de haaf finales op 11 augustus en de finaal en klein finaal op de 12e.

Damesdobbelspeul

Ouch hei waore 32 combinaties, die op 6 en 7 augustus de zestiende finales späölde, op 8 en 9 augustus de achste finales, op 11 augustus de kwartfinales, op 12 augustus de haaf finales, op 13 augustus de troesfinaal en op 14 augustus de finaal.

Gemingk dobbel

Heiveur waore zestien koppels geplaots. De achste finales waore op 11 augustus, daonao volgde op 12 augustus de kwartfinales, op 13 augustus de haaf finales en op 14 augustus de klein en groete finaal.

D'n Olympischen triatlon is gans get korter es de bekinderen Iron Man-triatlon; me hèlt 't op 1,5 kilometer zwumme, 43 kilometer fietse en 10 kilometer loupe. De start waor bij 't Fort Copacabana.

Manslui

18 augustus

Vrouwlui

20 augustus

Bij 't hierevoetbal doen zèstien len mèt, bij de dames twelf. Wie gebrukelek op de Speule bestoon de teams veural oet aspirante (<23). De hiereteams zien in veer poules vaan veer verdeild verdeild, boevaan ummer de bèste twie ziech plaotse veur de knock-outfaas. De damesteams zien verdeild in drei poules vaan veer; daovaan goon de nómmers ein en twie en de twie bèste nómmers drei door nao de kwartfinaal. De verleerders vaan de haaf finales speule um 't broons.

Oonder mie umtot Brazilië in 2014 nog 't WK voetbal organiseerde, heet 't land e groet aontal zier good oetgerösde stadions. Me gebruukde zier zeker 't Maracanã en 't Olympisch stadion in Rio, meh ouch 't Mané Garrinchastadion (Brasília), de Arena Corinthians (São Paulo), 't Mineirão-stadion (Belo Horizonte), d'n Itaipava Arena Fonte Nova (Salvador) en d'n Arena da Amazônia (Manaus).

Manslui

De zèstien landeteams späölde hun poulewèdstrije op 4, 7 en 10 augustus; ze begóste dus al veur de officieel eupening vaan de Speule. De twie bèste teams vaan eder poule gónge door nao de kwartfinales, gespäöld op 13 augustus. De haaf finales waore op 17 augustus, de finaal en de wèdstrijd um 't broons waore op 20 augustus.

Mèt groete belaankstèlling woort geloerd nao Brazilië. Dit land had slech gepresteerd op 't WK vaan 2014, ouch in eige land, en veel kort vaan te veure op de Copa América ouch tege. Umtot Olympische voetbalteams veural oet jäögspeulers mote bestoon, hoopde me tot 't team 'n nui talentvol generatie zouw tuine; 'n Olympische medaaje, d'n insegste pries dee Brazilië mèt voetbal nog noets had gewonne, waor zier welkom. In de poulefase waore de prestaties zier maoteg, meh in de knock-outfaas herstèlden 't team ziech. Oetindelek lökden 't in de finaal um Duitsland nao penanties te versloon.

Vrouwlui

De wèdstrijddaog veur 't vrouwetoernooj waore consequent einen daag ieder es die bij de manslui. Me späölt dus op 3, 6, 9, 12, 16 en 19 augustus. Umtot 't hei mer drei poules gaof, gónge boete de bèste twie oet eder poule ouch de twie bèste nómmers drei mèt nao de kwartfinaal.

Dit vèlt oeterein in twie disciplines.

Veur 't volleyballe, wat in Brazilië vrij populair is, bestoont al e stadion, 't Ginásio do Maracanãzinho in de wiek Maracanã. Zoewel bij de manslui es bij de vrouwlui zien twelf landeteams mèt, die iers in poules vaan zès oetmake wee doorgeit nao de kwartfinaal, en daan volgens 't knock-outsysteem de winner oetmake. Umtot ouch broonze medaajes weure oetgereik, speule de verleerders vaan de haaf finales ouch nog tegenein.

Manslui

De grópswèdstrije waore op 7, 9, 11, 13 en 15 augustus. Oet eder poule gónge de bèste veer nao de kwartfinales (17 augustus). De haaf finales zien op 19 augustus, de finaal en verleerdersfinaal op d'n 21e.

Pos.	Land
1.	Brazilië
2.	Italië
3.	Vereinegde Staote

Vrouwlui

De vrouwlui speule volgens 'tzelfde systeem, mèt alle matches einen daag ieder es bij de manslui.

Pos.	Land
1.	China
2.	Servië
3.	Vereinegde Staote

Heiveur is op 't strand vaan Copacabana e stadion opgezat. De atlete zien bij allebei de geslachte mèt 24 koppels vaan twie, die verdeild zien in zès poules vaan veer. 16 teams goon door nao de achste finaal. Nao de achste finale goon de nommers ein en twie vaan eder poule; de bèste twie nommers drei plaotse ziech ouch direk, dewijl de aander veer nommers drei nog tegenein mote speule veur wijer te koume. Wijer weure de twie toernoje volgens 't gebrukelek knock-outsysteem (inclusief verleerdersfinaal veur de daarde plaots) gespäöld.

Manslui

Wie gezag dege 24 koppels mèt. De poulewèdstrije lepe vaan 6 tot en mèt 11 augustus. Op 12 en 13 augustus waore de achste finales, op 15 augustus de kwartfinales, op 16 augustus de haaf finales en op 17 augustus de klein en groete finaal.

Vrouwlui

Ouch hei lepe de grópswèdstrije vaan 6 tot en mèt 11 augustus. Op 12 en 13 augustus waore de achste finales, op 14 augustus de kwartfinales, op 16 augustus de haaf finales en op 17 augustus de finaal en troesfinaal.

't Worstele gebäört in 't Olympisch Trainingscentrum in Barra. Zoewel de manslui es de vrouwlui koume, eder in zès gewiechsklasse, oet in 't vrijestielwoorstele, dewijl de manslui ouch nog competities Grieks-Romeins höbbe (ouch weer in zès klasse). Bij alle oonderdeile zien kwalificatie en finaal op dezelfden daag.

Alle zeil-oonderdeile woorte in de Guanabarabaoj gehawwe, oondaanks zwoer zörg euver de vervojling dao. Diverse klasse wèrke mèt oetereinloupend materiaol. Me kint 't windsurfe (RS:X, veur bei geslachte), de laser radiaol (vrouwlui), de laser (manslui), de finn (manslui), de 470 (bei geslachte), de 49er (bei geslachte) en de Nacra 17 (gemingk, ein oonderdeil).

Door te wieneg of te väöl wind móste diverse umluip weure oetgestèld.

Zwumsport (Ingels: aquatics) is de verzamelnaom veur veer zwumbad-oonderdeile, die allemaol in 't Maria Lenk-zwumpark weure aofgewèrk.

In deze sport valle ach sets medaajes te verdene: veer veur manslui, veer veur vrouwlui; veer veur indivueel springers, veer veur synchroonspringers; veer veur de hoeg plaank en veer veur de lieg plaank.

Manslui inkel 3 meter

De veurrundes waore op 15 augustus, de haaf finales en finaal op 16 augustus.

Vrouwlui inkel 3 meter

Gehawwe op 12 (veurrundes), 13 (haaf finales) en 14 augustus (finaal).

Manslui inkel 10 meter

De veurrundes zien op 19 augustus, de haaf finales en finaal op 20 augustus.

Vrouwlui inkel 10 meter

De veurrundes waore op 17 augustus, de haaf finales en finaal waore op d'n 18e.

Manslui synchroon 3 meter

10 augustus

Pos.	Land	Score
1.	Vereineg Keuninkriek	452,32
2.	Vereinegde Staote	450,21
3.	China	443,70

Vrouwlui synchroon 3 meter

7 augustus

Pos.	Land	Score
1.	China	345,60
2.	Italië	313,83
3.	Australië	299,19

Manslui synchroon 10 meter

8 augustus

Pos.	Land	Score
1.	China	496,98
2.	Vereinegde Staote	457,11
3.	Vereineg Keuninkriek	444,45

Vrouwlui synchroon 10 meter

9 augustus

Pos.	Land	Score
1.	China	354,00
2.	Maleisië	344,34
3.	Canada	336,18

Deze sport is allein bij de vrouwlui Olympisch. 't Gief twie eveneminte: duètte en teams.

Duo

't Gaof twie veurrundes, de technische routine (14 augustus) en de vrij routine (15 augustus). De finaal waor op 17 augustus.

Pos.	Land	Score
1.	Rusland	194,5244
2.	China	191,4355
3.	Japan	187,5214

Team

Dit weurt gedoon op 18 en 19 augustus; de vrij routine is direk ouch de finaal.

Pos.	Land	Score
1.	Rusland	196,1439
2.	China	192,9841
3.	Japan	189,2056

Twelf hiere- en ach dames-landsteams speule in e toernooj um de ierste plaots. Bei toernooje kinne 'n poulefaas mèt twie gróppe, en daonao 'n knockoutfaas mèt kwart- haaf en gans finales. Dat beteikent tot bij de vrouwlui gein inkel team in de grópsfaas aofvèlt; de poulewèdstrije dene allein um de plaots in de kwartfinales (sterkste tege de zwaakste teams) te bepaole. Umtot ouch 'n broonze medaaje moot weure oetgereik, speule de verleerders vaan de haaf finales ouch nog 'n "klein finaal" tegenein.

Manslui

De poulematches waore op 6, 8, 10, 12 en 14 augustus, de kwartfinales zien op 16 augustus, de haaf finales op 18 augustus en de klein en groete finaal op 20 augustus.

Pos.	Land
1.	Servië
2.	Kroatië
3.	Italië

Vrouwlui

De grópsmatches waore op 9, 11 en 13 augustus. Daonao volgde de kwartfinales de 15e, de haaf finales op de 17e en de klein en groete finaal weure op 19 augustus gespäöld.

Pos.	Land
1.	Vereinegde Staote
2.	Italië
3.	Rusland

Hoofartikel: Zwumme op de Olympische Zomerspeule 2016

In 't zwumme waore 34 eveneminte, 17 veur eder geslach. Gezwomme woort in de vrije slaag (wat praktisch neerkump op boorscrawl), rögkslaag, sjaolslaag, kapelleslaag, wisselslaag, estafèt vrij, estafèt wisselslaag en marathon (wat in 't zwumme 10 km inhèlt). De zwumbadnommers zien in 't zwumbad vaan Barra, de zwummarathon weurt bij 't Fort Copacabana gehawwe, in d'n Atlantischen Oceaon. Väöl woort verwach vaan d'n Amerikaanse veteraon Michael Phelps, dee dat mer deils woermaakde. De prestaties vaan de Nederlandse zwummers vele tege in 't zwumbad, meh ze waore hier en meister in 't ope water.