Sistinme Feller — Wikipedia
Aller au contenu
Èn årtike di Wikipedia.
Letes do sistinme Feller (e rodje, noer et bleu)
Jules Feller, l' adjinçneu do sistinme
Li
sistinme Feller
, c' est on sistinme di rashidaedje des
lingaedjes romans del Walonreye
, eplaidî pa si edvinteu,
Jules Feller
, dins l'
Bultén di l' SLLW
1901
(tome 41, prumire pårteye, 1-235).
Mwaissès dnêyes
candjî
candjî l’ côde wiki
Pol
walon
, li sistinme Feller va esse accepté, mitchote a midjote, a fwait kel
20inme sieke
tchereye. Mins tchaeke
soce di scrijheus e walon
va wårder des ptitès piceures da sinne, pacô å rvier des mwaissès rîles da Jules Feller.
Divant l' succès do "Feller", les sistinmes d' ortografeye do walon di dvant sont sovint lomés "
sistinmes pre-Feller
".
Todi pol walon, li sistinme Feller n' årè nou shuveu, come sistinme di scrijhaedje des
accints do walon
Cwand l' ortografeye do
rfondou walon
va rexhe al dilongue des
anêyes 1990
, ele serè contrêye pa bråmint des
waloneus
å no do "sistinme Feller", dabôrd ki ci n' est nén l' minme såme.
Li sistinme Feller serè-st atåvlé po scrire eto li
gåmès
eyet li
picård
, mins sins adiercî s' côp.
Situdiaedje des ôtes sistinmes
candjî
candjî l’ côde wiki
Divant d' atåvler si sistinme, Jules Feller va studyî les bons costés mins eto les crawieustés des sistinmes grafikes k' i gn aveut ddja dvant lu (
sistinmes pre-Feller
):
Po Lidje
Cambresier
Remacle
(1823)
Hubert (1857).
Charles-Nicolas Simonon
(1845)
Charles Grandgagnage
(1847)
Lobet (1854).
Li
SLLW
(Bailleux, 1956, Delboeuf, Duchesne, 1889)
Michiels.
Henry Forir
(1866).
Eugène Monseur (1895).
Nicolas Lequarré
& Delboeuf (1895).
Julien Delaite
(1893).
J. Willem (Cavo Lidjwès).
Po Nameur.
Henri Chavée
(1857), shuvou pa
Charles Wérotte
(1858), et rimimbrêye pa
Auguste Vierset
Po
Vervî
Astère Denis.
Jules Feller (prumire saye).
Soce
Le Foyer
(1898).
Pol
Walonreye prûssyinne
Nicolas Pietkin
(1899).
Sacwants grand ponts do sistinme Feller
candjî
candjî l’ côde wiki
Li sistinme Feller est lomé
fonetico-analodjike
, la k' il est mitan fonetike, mitan copiant les rîles di scrijhaedje do francès.
Il est fwait po des cåzeus natifs do walon ki mwaistrixhèt bén leu-z accint coinrece et ki savèt ddja scrire li francès.
Acceptance, rifuzaedjes et radaptaedjes do sistinme Feller
candjî
candjî l’ côde wiki
Li sistinme di rashiaedje Feller si va spåde tot åd dilong do
20inme sieke
, tot cominçant pal
payis d' Lidje
, pol rashiaedje des ouves e walon coinreces eyet pol diccionairaedje.
Mins nerén, viè l' fén do 20inme sieke i gn aveut co des oteurs ki n' eployèt nén co l' sistinme Feller (ou avou sacwants candjmints, come l' eployaedje di "xh", "à", "en" po "an", "aî", li
pont sol roye
, des noveles letes ås faflotes come ôⁿ, îⁿ, ë, e̊).
Eto, foû des cekes di belès letes, les djins nén scolés continouwèt a scrire li walon sins shure vormint des rîles, ou nén les cenes do sistinme Feller todi.
Come li sistinme Feller n' est nén ene ortografeye do lingaedje
walon
, mins ene manire di rashir les accints des pårlers coinreces, i va gn aveur, viè les
anêyes 1990
, on mouvmint po mete so pî ene ortografeye pol walon (dj' ô bén, k' on mot si scrijhaxhe del minme manire tot avå), çou ki dinrè l' ortografeye do
rfondou walon
Sôres d' ortografeye vinant do Feller
candjî
candjî l’ côde wiki
Feller-Haust
(Lidje)
Feller-Haust-Stasse
(Lidje)
Feller-Sedyn
(Måmdiy)
Feller-Neuprez
(Spå, so Wikisourd)
Feller-Léonard
(Nameur)
Feller-Roman Payis
(Roman Payis)
Feller-Fauconnier
(Tchålerwè)
Feller-Goffart
(Tchålerwè)
Feller-Pierret
(Tchestrolès)
Feller-Deprêtre
(El Lovire)
Feller-Francard
(Bastogne)
Feller-Francard-Mahin
(tocosté)
Mins tchaeke
sicrijheu e walon
pout edvinter on «Feller prôpe» po scrire si accint tot tchoezixhant dins les relijhas des mwaissès rîles do sistinme Feller.
Sistinme Feller e gåmès
candjî
candjî l’ côde wiki
I serè eployî pa les
Gåmets
ki s' afiyront a l'
SLLW
Albert Yande
, metans. Eto dins les motîs ki seront replaidî di cisse soce la (metans, li
Motî d' Tchespire
).
Mins, å djoû d' ouy, mo des bouteus pol gåmès come
Georges Themelin
ou l' trope di l'
Academeye des patwès gåmès
ni scrijhèt nén pår e sistinme Feller.
Sistinme Feller e picård
candjî
candjî l’ côde wiki
Loukîz a
Sistinme Feller-Carton
Hårdêyes difoûtrinnes
candjî
candjî l’ côde wiki
fr
Mwaisse papî da Jules Feller
wa
fr
Ene pådje sol sistinme Feller, et les cis k' i gn a yeu dvant et après
Sicrijhas do 20e sieke
(mostrant li mwaisse Feller et les ôtes sicrijhas do 20e sieke)
Pådje moennrece des mots walons, picårds, gåmès et tchampnwès sicrîts e Feller sol Wiccionaire
Sourdants
candjî
candjî l’ côde wiki
I våt mî n' nén dire «ortografeye Feller», ca ci n' est nén vormint on sistinme ortografike (on mot, on scrijha).
Prin del pådje «
Categoreyes
Lingaedje walon
Diccionairaedje
Ortografeye do walon
Sistinme Feller
Radjouter on sudjet